Home    News     States     Investment     Tourism     Sport    Entertainm.    Radio & Tv     About us     Contact      Links     Archives
admin@hebrezema.info
1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
ለህዳሴው ግድብ ግንባታ ከ5 ቢሊዮን ብር በላይ ተሰበሰበ
Friday, 02 August 2013 08:34
የታላቁየኢትዮጵያ ህዳሴ ግድብ ግንባታ ህዝባዊ ተሳትፎ አስተባባሪ
ብሔራዊ ምክር ቤት 4ኛ መደበኛ ጉባኤውን ሀምሌ 26/2005 አካሂዷል፡፡

የታላቁ የኢትዮጵያ ህዳሴ ግድብ ግንባታ ህዝባዊ ተሳትፎ አስተባባሪ
ምክር ቤት የህዳሴ ግድብ ግንባታ የ2005 ዓ.ም ተግባራትን የሚያሳይ ረቂቅ
የዕቅድ ክንውን ሪፖርቱንና የ2006 ዓ.ም ዕቅዱን ለአባላቱ አቅርቦ
ውይይት ተደርጎበታል፡፡

ለግንባታው ቃል ከተገባው ውስጥ 5.2 ቢሊዮን ብር የተሰበሰበ ሲሆን
የመንግስት ሰራተኞችና ዝቅተኛ ገቢ ያላቸው ሌሎች የህብረተሰብ ክፍሎች
ተሳትፏቸው ከፍተኛ እንደነበር በሪፖርቱ ተገልጿል፡፡

በሪፖርቱ ላይ ብሔራዊ ምክር ቤቱ በ2005 ዓ.ም ለማከናወን ከያዛቸው ዋና
ዋና ጉዳዮች ውስጥ የህዝብ ሰፊ ታስትፎ ተጠናክሮ እንዲቀጥል ማድረግ፣
ለግድቡ ግንባታ ቀጣይ የፋይናንስ ድጋፍ ማሰባሰብና ቁጠባን ማጎልበት፣
የተፈጥሮ ኃብት እንክብካቤና ጥበቃ ሥራውን ለማጎልበት የሚያስችል
እንቅስቃሴ ማካሄድ፣ የህዝባዊ ዲፕሎማሲውን አጠናክሮ መቀጠል እና
የግድቡን ስራ መከታተል በሚሉት አምስት ዋና ዋና ግቦች ላይ ሰፊ ውይይት
ተካሂዷል፡፡


ከምክር ቤቱ አባላትም ከመንግስት ሰራተኛውና አነስተኛ ገቢ ካላቸው የሕብረተሰብ ክፍሎች ባሻገር ገቢ ለመሰብሰብ የታቀደውን
ያህል አልተከናወነም፣ የአካባቢ ጥበቃ ሥራው ችግኝ በመትከል ላይ ብቻ ያተኮረ ነበር፣ ህብረሰቡን የማነሳሳቱ ሥራ ተቀዛቅዟል፣
ተቃዋሚ ፓርቲዎችን ያሳተፍ ስራ ብዙም አልተሰራም፣ በውጭ ካሉ ትውልደ ኢትዮጵያውያን ጋር ያለው ግንኙነት ላልቷልና የመሳሰሉ
ጥያቄዎች ተነስተዋል፡፡

የብሔራዊ አስተባባሪ ምክር ቤቱ ፕሬዝዳንት አቶ ደመቀ መኮንን በተለይም አርሶ አደሩ ለግድቡ ግንባታ እያደረገ ያለው ድጋፍ
ቁጠባን ከማበረታታት አንጻርም ጥሩ ነው ይህም ሆኖ ወጥ በሆነ መንገድ በመምራት ረገድ ችግሮች ይስተዋላሉ በቀጣይም ማስተካከል
ይገባል ብለዋል፡፡

አቶ ደመቀ የተፈጥሮ ኃብት ጥበቃ ሥራውን በተመለከተም ከችግኝ ተከላው ጎን ለጎን የተሟላ ሥነ ምህዳራዊ አካባቢን ለመስራት
በእቅድ በመመራት ስራዎች እየተከናወኑ መሆናቸው ገለፀው የተጎዱ አካባቢዎችን በመከለል እንዲያገግሙ በማድረግ እና የተከለሉ
ቦታዎችም ልዩ ጥበቃ እንዲደረግላቸው በማድረግ የተሰራው ሥራ መልካም እንደነበር ማሳያ ነው ብለዋል፡፡

የብሔራዊ ምክር ቤቱ ጸሐፊ አቶ በረከት ስምኦን በበኩላቸው የገቢ ማሰባሰብ ሥርዓቱ በተለያዬ መንገድ መደገፍ እንዳለበት
ከመስራት ባሻገር ባለሃብቱ፣ ትውልደ ኢትዮጵያውያኑና ሌላውም የህብረተሰብ ክፍሎች ቃል የገቡትን እንዲከፍሉ፤ ወደፊትም
አቅማቸው በፈቀደው እንዲሳተፉ በማድረግ ረገድ ሰፊ ስራ ይጠበቅብናል ብለዋል፡፡

ህብረተሰቡንም በማነሳሳቱ ረገድ በተለይም ለግድቡ ግንበታ ሲባል የዓባይ ወንዝን ተፈጥሯዊ አቅጣጫ ማስቀየር ተከትሎ የዓባይ
ጉዳይ በዓለም አቀፍ ሚዲያዎችም ጭምር መነጋገሪያ እንዲሆን የተፈጠረው አጋጣሚ በተለይም ከዚህ በፊት እ.አ.አ በ1929 እና 1959
የተፈረሙት ኢትዮጵያን ያላማከሉ የዓባይ ውሃ አጠቃቀም ስምምነቶች ኢ-ፍትሐዊ መሆናቸውን ለዓለም ህብረተሰብ ለማሳወቅ
የተደረገው ጥረት ጥሩ ውጤትን አምጥቷል ያሉት አቶ በረከት በውቅቱ በግብጽ የተከሰተው አለመረጋጋት በኢትዮጵያና ግብጽ መካከል
የተጀመረውን ዲፕሎማሲያዊ ግንኙነት እንዳይቀጥል አድርጎት የነበረ ቢሆንም  ከግብጽ ጋር በብዙ ጉዳዮች ላይ በሰፊው መወያየት
እንዳለብን እንገነዘባለን ሲሉ ነው የገለጹት፡፡

በዓባይ ጉዳይ ላይ ከተፋሰሱ ሃገራ ጋር በጋራ የትብብር መንፈስ እና የጋራ ጥቅም ላይ ተግባብተን በመስራት ረገድ አሁንም
እንሰራለን ብለዋል አቶ በረከት፡፡

የ2006 ዓ.ም የብሔራዊ ምክር ቤቱ ዕቅድ በተመለከተም መሻሻል አለባቸው የተባሉ ጉዳዮች በአባላቱ የተነሱ ሲሆን ዕቅዱን
በአምስተኛው መደበኛ ጉባዔ ላይ ይበልጥ ማዳበር ይጠበቃል ተብሏል፡፡

ሪፖርተር፡- ጌቱ ላቀው