1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
የኢትዮጵያ ንግድ ባንክ በደቡብ አፍሪካ ቅርንጫፍ ሊከፍት ነው
May 26, 2018
(ኤፍ.ቢ.ሲ)- የኢትዮጵያ ንግድ ባንክ ከኢትዮጵያ ውጪ ቅረንጫፎቹን ለማስፋትና በሰው ሃይል ላይ ያተኮረ
የእውቀት ሽግግር ለማድረግ እየሰራ መሆኑን ገለፀ።

የባንኩ ፕሬዚዳንት አቶ በቃሉ ዘለቀ ለፋና ብሮድካስቲንግ ኮርፖሬት እንደተናገሩት፥ ባንኩ ደቡብ አፍሪካ ቅርንጫፍ
ለመክፈት የተዘጋጀ ነው።

በአፍሪካ ተደራሽነቱን ለማስፋት እየሰራ መሆኑን የገለጹት ፕሬዚዳንቱ፥ በተለያዩ ሀገራት ቅርንጫፎቹን እየከፈተ
መሆኑንም አንስተዋል።

ባንኩ በ2011 ዓ.ም በደቡብ አፍሪካም ቅርንጫፍ ለመክፈት የሚያስችውን የባንክ ገበያ እና ሌሎች አስፈላጊ ጥናቶች
እያከናወነ መሆኑን አቶ በቃሉ ገልፀዋል።

ፕሬዚዳንቱ አያይዘውም ባንኩ በያዝነው 2010 ዓ.ም መጨረሻ ላይም በሱዳን ካርቱም ቅርንጩፉን ለመክፈት ዝግጅት
ማጠናቀቁን አስታውቀዋል።

ይህ ደግሞ የሀገሪቱን የባንክ ዘርፍ ተወዳዳሪነት የሚያጠናከር እና የውጭ ምንዛሬን ለማስገኘት ከፍተኛ ሚና ይኖረዋል
ተብሎ እንደሚታመን ነው ሀላፊው የተናገሩት።

ከዚህ በተጨማሪም ባንኩ ሰራተኞቹ በቴክኖሎጂ ላይ ያላቸው እውቀት የዳበረ ለማድረግ እየሰራ መሆኑንም የባንኩ
ፕሬዚዳንት አቶ በቃሉ አስታውቀዋል።

አቶ በቃሉ ዘለቀ እንደሚሉት፥ በአሁኑ ወቅት ጀርመን ሀገር ከሚገኝ ፍራክፈርት ስኩል ኦፍ ፋይናንስ ኩባንያ ጋር በሰው
ሀይል በኩል አለም አቀፍ ባንክ ላይ መስራት የሚያስችል የእውቀት ሽግግር እየተደረገ ነው።

የሰራተኞች በእውቀት መበልጸግሞ በአፍሪካ በሚኖረው ተወዳዳሪነት ላይ ጠቀሜታው ከፍ ያለ ነው ብለዋል ፕሬዚዳንቱ።
admin@hebrezema.info
1