1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
የዶክተር ፍቅሩ ማሩን ጨምሮ የ62 ተካሳሾች ክስ እንዲነሳ ተወሰነ
May 11, 2018
አዲስ አበባ ፣ ግንቦት 3 ፣ 2010 (ኤፍ ቢ ሲ) የፌዴራል ጠቅላይ አቃቤ ህግ የዶክተር ፍቅሩ ማሩን ጨምሮ የ62
ተከሳሾችን የክስ ሂደት ማንሳቱን አስታወቀ።

ተከሳሾቹ የወንጀለኛ መቅጫ ህግን አንቀጽ 464 እና 494 በመተላለፍ ጉዳያቸው በፍርድ ሂደት ላይ ያለና እንዲከላከሉ
ብይን የተሰጠባቸው ናቸው።

ኢዜአ ከፌዴራል ጠቅላይ አቃቤ ህግ ባገኘው መረጃ መሰረት፥ በእነ አበበ የኋላ የክስ መዝገብ የተጠቀሰውን አንቀጽ
በመተላለፍ ጉዳያቸው በፍርድ ሂደት ላይ ያሉ 18 ተከሳሾች ክስም እንዲነሳ ተወስኗል።

በእነ ማስረሻ ሰጠኝ መዝገብ በፌዴራል ከፍተኛ ፍርድ ቤት 19ኛ ምድብ ችሎት ጉዳያቸው ሲታይ ከነበሩት 38 ተከሳሾች
መካከልም፥ አራቱ በሰው መግደል ወንጀል ክስ ቀርቦባቸው እንዲከላከሉ ብይን ተሰጥቶባቸዋል።

ስምንቱ ደግሞ በነጻ መሰናበታቸው የሚታወስ ነው።

በተጠቀሰው መዝገብ የወንጀለኛ ህጉን አንቀጽ 464 እና 494 በመተላለፍ እንዲከላከሉ ብይን የሰጠባቸው ቀሪ 26
ተከሳሾች ክስ ደግሞ እንዲነሳ ተወስኗል።

በሰው መግደል ወንጀል እንዲከላከሉ የተበየነባቸው የአራቱ ተከሳሾች የፍርድ ሂደት ግን ባለበት ይቀጥላል ተብሏል።

በተመሳሳይ በእነ ቴዎድሮስ ዳንኤል መዝገብ የወንጀለኛ ህጉን አንቀጽ 464 እና 494 በመተላለፍ ጉዳያቸው በፍርድ
ሂደት ላይ ያለ የ18 ተከሳሾች ክስ እንዲነሳ መወሰኑንም የፌዴራል ጠቅላይ አቃቤ ህግ አስታውቋል።
admin@hebrezema.info
1