1
States
Investment
Tourism
Sport
Entertainm.
Radio & Tv  
About us
Contact  
Links
Archives  
የውጭ ጉዳይ ሚኒስትር ደመቀ መኮንን ከአውሮፓ ህብረት ልዩ መልዕክተኛ
ጋር ተወያዩ

10 February 2021
    Home             News          States         Investment   Tourism         Sport          Entertainm.      Radio & Tv     About us        Contact      Links                  Archives
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
1
አዲስ አበባ ፣ የካቲት 3 ፣ 2013 (ኤፍ ቢ ሲ) የውጭ ጉዳይ ሚኒስትር እና ምክትል ጠቅላይ ሚኒስትር ደመቀ መኮንን
ከፊንላንዱ የውጭ ጉዳይ ሚኒስትር እና የአውሮፓ ህብረት ልዩ መልዕክተኛ ፔካ ሃቪስቶ ጋር ተወያዩ፡፡

በውይይቱ ወቅት አቶ ደመቀ በትግራይ ክልል እየተካሄደ ስላለው የመልሶ ማቋቋምና የመሰረተ ልማት መልሶ ግንባታን
በተመለከተ ለልዩ መልዕክተኛው ገለጻ አድርገውላቸዋል፡፡

መንግስት አሁን ላይ ከክልሉ ጊዜያዊ አስተዳደር እና ከዓለም አቀፍ ድርጅቶች ጋር በመተባበር በክልሉ የሰብአዊ
ድጋፍና የወደሙ መሰረት ልማቶችን የመገንባት ስራ እየሰራ መሆኑንም ጠቅሰዋል፡፡

ከሰብአዊ እርዳታ አቅርቦቱ ጋር በተያያዘም 26 ድርጅቶች ሰብአዊ ድጋፍ የማድረስ ስራ እየሰሩ መሆኑንም ተናግረዋል
አቶ ደመቀ፡፡

አቶ ደመቀ በዚህ ወቅት ኢትዮጵያ ከአውሮፓ ህብረት ጋር ያላትን አጋርነት ማጠናከር አስፈላጊ መሆኑንም አንስተዋል፡፡

በዚህ ወቅትም የአውሮፓ ህብረት በትግራይ ክልል ካለው ሁኔታ ጋር በተያያዘ ያወጣውን መግለጫ በተመለከተም
የመንግስትን አቋም ገልጸዋል፡፡

ከዚህ ጋር በተያያዘም ህብረቱ ሁኔታውን እንዲረዳና ኢትዮጵያ የሚያጋጥሟትን ፈተናዎች እንድትወጣ እንደ ስትራቴጂክ
አጋርነቱ ገንቢ ሚና እንዲጫወትም ጠይቀዋል፡፡

ከሱዳን ጋር ስላለው የድንበር ውዝግብ በሰጡት ማብራሪያም ኢትዮጵያ ጉዳዩን በሰላማዊ መንገድ ለመፍታት ያላትን
አቋም አንስተዋል፡፡

በውይይቱ ላይ የተገኙት የውሃ፣ መስኖ እና ኢነርጂ ሚኒስትሩ ኢንጅነር ስለሽ በቀለ፥ እየተካሄደ ያለውን ድርድር
ለመቋጨት ያላትን ዝግጁነት በተመለከተ ለልዩ መልዕክተኛው ገልጸውላቸዋል፡፡

ሚኒስትሩ ሌሎች ሃገራትም በአፍሪካ ህብረት በተቀመጠውና ለአፍሪካዊ ችግር አፍሪካዊ መፍትሄ በሚለው ማዕቀፍ
መሰረት ይህንኑ የኢትዮጵያ መንገድ እንዲከተሉ አሳስበዋል፡፡

የፊንላንዱ የውጭ ጉዳይ ሚኒስትር እና የአውሮፓ ህብረት ልዩ መልዕክተኛ ሃቪስቶ ፔካ በበኩላቸው፥ በኢትዮጵያ እና
በአውሮፓ ህብረት መካከል በተለያዩ የትብብር ዘርፎች ስትራቴጂካዊ አጋርነትን ማጠናከር ያለውን ጠቀሜታ በተመለከተ
ገልጸዋል፡፡

የአውሮፓ ህብረት መንግስት በትግራይ ክልል ላለው ሰብአዊ ሁኔታ እየሰጠ ያለውን ምላሽ ይረዳል ያሉት ልዩ
መልዕክተኛው በክልሉ እየተደረገ ያለውን ሰብአዊ ድጋፍ ማጠናከር እንደሚገባም አጽንኦት ሰጥተዋል፡፡