1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
የመቀሌ ዩኒቨርስቲ ለሁለት ምሁራን የሙሉ ፕሮፌሰርነት ማእረግ ሰጠ
August 16,2017
መቀሌ ነሀሴ 9/2009 የመቀሌ ዩኒቨርሲቲ የአስተዳደር ቦርድ ለሁለት ምሁራን የሙሉ ፕሮፌሰርነት ማእረግ ሰጠ።

ቦርዱ የሙሉ ፕሮፌሰረነት ማእረግ የሰጠው ለዩኒቨርሲቲው ፕሬዚዳንት ለዶክተር ክንደያ ገብረህይወትና በዩኒቨርሲቲው የባይሎጂ
ትምህርት ክፍል ባልደረባ ለሆኑት ለዶክተር ግደይ ይርጋ ነው።

ዩኒቨርሲቲው ለኢዜአ በላከው መግለጫ እንዳመለከተው ለሁለቱ ምሁራን የፕሮፌሰርነት ማእረጉ የተሰጠው በዩኒቨርሲቲ
ቆይታቸው፣በርካታ የምርምር ስራዎችን ለህትመት በማብቃታቸውና በማስተማር ስራቸው የላቀ ውጤት ማስመዝገባቸው
በመረጋገጡ ነው።

የመቀሌ ዩኒቨርሲቲ ፕሬዚዳንት ዶክተር ክንደያ ገብረ ህይወት ለሙሉ የፕሮፌስርነት ማእረግ የበቁት፣በዩኒቨርሲቲው በተለያዩ
የሃላፊነት ቦታዎች ተመድበው ውጤታማ ስራ ከማከናወን ባለፈ ተጨባጭ የምርምርና የአካዳሚክ ስራዎችን አከናውነዋል።

ምሁሩ የሁለተኛና የሦስተኛ ዲግሪ ተማሪዎችን በማማከር ለሃገራችን የከፍተኛ ትምህርት እድገት ካበረከቱት አስተዋጽኦ ባለፈ
በምርምር ስራዎቻቸውና በላቀ የአመራር ክህሎታቸው በበርካታ ተቋማት እውቅና የተቸራቸው እንደሆኑም መግለጫው አመልክቷል።

በዚህም እንደ አውሮፓ አቆጣጠር በ2004 ለተመራማሪዎች የሚበረከተው "የተቀናጀ የልማት ዓለም አቀፍ ሽልማት"
፣በ2005 ደግሞ በአፍሪካ በትምህርት ልማት ዘርፍ የላቀ አመራር ላበረከቱ ምሁራን የሚሰጠውን የአመራር ሽልማት አሸናፊ
ሆነዋል።

ሌላው የሙሉ ፕሮፌሰርነት ማእረግ የተሰጣቸው ዶክተር ግደይ ይርጋ ደግሞ ከኒውዚላንድ ለይደን ዩኒቨርሲቲና ከቤልጀም
አንትወርፕ ዩኒቨርሲቲ ሁለት የዶክትሬት ትምህርቶችን በአንዴ የተቀዳጁ ብቸኛ ምሁር ናቸው።

ዶክተር ግደይ በ2014 ላይ ምርጥ ተመራማሪ በመባል ተሸላሚ ሲሆኑ፣በአሁኑ ጊዜ በተለያዩ ዓለም አቀፍ የምርምር ስራዎች ላይ
በመሳተፍ ውጤታማ መሆናቸውም ተመልክቷል።

በዩኒቨርሲቲው ቆይታቸውም በማስተማርና በምርምር ስራቸው ውጤታማ ምሁር መሆናቸው በመረጋገጡ የሙሉ ፕሮፌሰርነት
ማእረግ ተሰጥቷቸዋል።
admin@hebrezema.info
1