Home    News     States     Investment     Tourism     Sport    Entertainm.    Radio & Tv     About us     Contact      Links     Archives
admin@hebrezema.info
1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
"የአትዮጵያ እድገት ለአፍሪካ ተምሳሌት ነው" ሜሊንዳ ጌትስ
15 November 2013  ERTA
ኢትዮጵያ እያስመዘገበች ያለችው እድገት የአፍሪካ ሀገራት
ተምሳሌት መሆኑን የቢልና ሜሊንዳ ጌትስ ፋውንዴሽን ተባባሪ
መስራች ሜሊንዳ ጌትስ አስታወቁ፡፡

በበጎ አድራጊነታቸው የሚታወቁት የቢልና ሜሊንዳ ጌትስ
ፋውንዴሽን ተባባሪ መስራች ሜሊንዳ ጌትስ 3ኛውን አለም አቀፍ
የቤተሰብ እቅድ ጉባኤን ለመታደም ኢትዮጵያ ከመጡ እንግዶች
አንዷ ናቸው፡፡

ሜሊንዳ ጌትስ በተለይም ከኢ.ሬ.ቴ.ድ ጋር በነበራቸው ቆይታ
ሀገሪቱ ከአፍሪካ ፈጣን እድገት እያስመዘገቡ ካሉ ሀገራት
አንዷ መሆኗን ገልፀዋል፡፡

"ወደ ኢትዮጵያ መምጣት ያስደስተኛል፡፡ ምክንያቱም ያሉትን
አማራጮችና መንግስት ህዝቡን ለመለወጥ የሚያደርገውን
እንቅስቃሴ በቅርበት ለመታዘብ ያስችለኛል እና፡፡  የጤና
አገልግሎትና የአዳዲስ ፕሮጀክቶች ተደራሽነትን በማሳደግ
ህዝቡን ለመለወጥ እየተደረገ ያለው ጥረት የሚያበረታታ
ነው፡፡ የህዝቡን ገቢ በማሳደግ የህብረተሰቡን ኑሮ ለማሳደግ
የሚያደርገው ጥረትም የሚደነቅ ነው፡፡ እነዚህ ነገሮች
ሀገሪቱ በለውጥ ጎዳና ላይ ካሉ የአፍሪካ ሀገራት አንዷ
ስለመሆኗ አመላካች ነው፡፡"

እየተከናወኑ ያሉ ሰፊ የመሰረተ ልማት ዝርጋታዎችና የህንፃ
ግንባታዎችም ተጨማሪ ማሳያዎች ናቸው ብለዋል ሜሊንዳ ጌትስ፡፡

"ሁሌም ወደ ኢትዮጵያ ስመጣ እድገቱን በተጨባጭ ለማየት
የሚያስችል ለውጥ እመለከታለሁ፡፡ ከአውሮፕላን ማረፊያ
ተነስቶ ወደ መሃል ከተማ ሲመጣ የሚታየው የመሰረተ ልማት
ግንባታ አዳዲስ ህንፃዎችና የቀላል ባቡር ስራዎች በሙሉ
በአለም አቀፍ ደረጃ ከሚወጡት የምጣኔ ሀብት መለኪያ አሀዞች
በተጨማሪ የአገሪቱን እድገት በተጨባጭ ያሳያሉ፡፡ በርግጥም
የሚያስደምም ነው፡፡"

ሀገሪቱ በቤተሰብ እቅድ አገልግሎት ተደራሽነትም ከእቅድ
በላይ ማሳካት መቻሏም በጥሩ ተሞክሮነት ሊጠቀስ የሚችል ነው
ብለዋል፡፡

የቢልና ሜሊንዳ ጌትስ ፋውንዴሽን ተባባሪ መስራች ሜሊንዳ
ጌትስ ሀገሪቱ በጤናው ዘርፍ እያሳየች ያለውን እድገት
እንዲሁም የኢኮኖሚ እድገት ለማስቀጠል ድርጅታቸው ድጋፉን
እንደሚቀጥል አስታውቀዋል፡፡

ሪፖርተር ፣ርግበ ይኋንስ