1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
በኢትዮጵያና ኤርትራ መካከል ተቋርጦ የነበረው የመደበኛ ስልክ አገልግሎት ተጀመረ
July 8,2018
admin@hebrezema.info
1
አዲስ አበባ ፣ ሃምሌ 1 ፣ 2010 (ኤፍ ቢ ሲ) በኢትዮጵያና ኤርትራ መካከል ተቋርጦ የነበረው የመደበኛ ስልክ
አገልግሎት ዳግም ተጀመረ።

የጠቅላይ ሚኒስትር ልዩ ጽህፈት ቤት ሃላፊ አቶ ፍጹም አረጋ፥ ላለፉት ሁለት አስርት አመታት ተቋርጦ የነበረው የሃገራቱ
የመደበኛ ስልክ ግንኙነት ዳግም መጀመሩን በትዊተር ገጻቸው አስፍረዋል።

የኢትዮ ኤርትራ የድንበር ግጭትን ተከትሎ የሁለቱ ሃገራት የስልክ ግንኙነት ተቋርጦ መቆየቱ ይታወሳል።

ይህ መሆኑም በሁለቱ ሃገራት ህዝቦች ግንኙነት ላይ አሉታዊ ተፅዕኖ አሳድሮ ቆይቷል።

የዛሬው የመደበኛ ስልክ ግንኙነት መጀመርም ሁለቱ ሃገራት የጀመሩት የሰላም ጉዞ ማብሰሪያ ተደርጓል።

የኢፌዴሪ ጠቅላይ ዶክተር አብይ አህመድም የኢትዮጵያና ኤርትራ ግንኙነትን ያድሳል የተባለለትን ታሪካዊ ጉብኝት
ለማድረግ ዛሬ አስመራ ገብተዋል።

አስመራ ሲደርሱም ፕሬዚዳንት ኢሳያስ አፈወርቂን ጨምሮ የሀገሪቱ ከፍተኛ ባለስልጣናት እንዲሁም የከተማዋ ነዋሪዎች
ደማቅ አቀባበል አድርገውላቸዋል።

በቆይታቸውም ከፕሬዚዳንት ኢሳያስ አፈወርቂ ጋር የሚወያዩ ይሆናል።

በቅርቡ የኢህአዴግ ስራ አስፈፃሚ ኮሚቴ የሁለቱን ሃገራት ግንኙነት ለማደስ የአልጀርሱን ስምምነት ሙሉ በሙሉ
እንዲተገበር ውሳኔ ማሳለፉ ለግንኙነታቸው ተስፋ ፈንጥቋል።

ኤርትራም የኢትዮጵያን የሰላም ጥሪ በመቀበል በቅርቡ በውጭ ጉዳይ ሚኒስትሯ የሚመራ ልዑክ ወደ አዲስ አበባ መላኳ
አይዘነጋም።