1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
ዘመናዊ ሰራዊት በመገንባት ሂደት የሰለጠነ የሰው ሀይልን የማፍራት ጥረት ተጠናክሮ ይቀጥላል-
ጠ/ሚ ኃይለማርያም
June 24, 2017
አዲስ አበባ፣ ሰኔ 17፣ 2009 (ኤፍ.ቢ.ሲ) ወቅቱ የሚጠይቀውን ዘመናዊ ሰራዊት በመገንባት ሂደት ውስጥ
የሰለጠነ የሰው ሀይልን የማፍራት ጥረት ተጠናክሮ እንደሚቀጥል የኢፌዲሪ ጠቅላይ ሚንስትርና የጦር ኃይሎች ጠቅላይ
አዛዥ አቶ ኃይለማርያም ደሳለኝ ገለጹ።

የኢፌዴሪ መከላከያ ሰራዊት በሀገሪቱ ሊከሰቱ የነበሩ የደህንነት ስጋቶችን በማስወገድ ግዳጁን በብቃት መወጣት ችሏልም
ብለዋል ጠቅላይ ሚኒስትር ኃይለማርያም።

የመከላከያ አዛዥነትና ስታፍ ኮሌጅ ዛሬ በተለያዩ የአመራር ክህሎቶች ያሰለጠናቸውን 83 መኮንኖች አስመርቋል።

በሁለተኛ ዲግሪ፣ በዲፕሎማና በአጫጭር ኮርሶች ሰልጥነው ከተመረቁት መኮንኖች መካከል ሁለት የደቡብ ሱዳን
መኮንኖች ይገኙበታል።

ሰራዊቱ በሀገር ውስጥም ሆነ በቀጠናው የሰላም ማስከበር ተልዕኮዎቹ የሚጣልበትን ማንኛውም ግዳጅ ለመወጣት
ዝግጁነቱን ማስጠበቅ እንዳለበት ጠቅላይ ሚንስትር ኃይለማርያም ደሳለኝ በምርቃቱ ወቅት መልዕክታቸውን
አስተላልፈዋል።

ተመራቂዎቹ በኮሌጁ ቆይታቸው በደህንነት ስትራቴጂ፣ በጦርነት ጥናቶች፣ በወታደራዊ አመራር እና በህብረት ውጊያ
መስኮች ትምህርት እንደተሰጣቸው የኮሌጁ ዋና አዛዥ ብርጋዴር ጀነራል መሸሻ ገብረሚካኤል ተናግረዋል።

የኮሌጁ የመማር ማስተማር ሂደት ከነባራዊው የሀሪቱ እና የአለም ጂኦ ፓለቲካ ጋር የተጣጣመ በማድረግ መኮንኖቹን
ለአመራር ዝግጁ ማድረግ ላይ ትኩረት ሰጥቶ መሰራቱን ነው ዋና አዛዡ የተናገሩት።

በሰላማዊት ካሳ
admin@hebrezema.info
1