Home    News     States     Investment     Tourism     Sport    Entertainm.    Radio & Tv     About us     Contact      Links     Archives
admin@hebrezema.info
1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
ባለፉት ሁለት አስርተ ዓመታት በተከታታይ የተመዘገበውን የክልሉንም ሆነ አጠቃላይ የአገሪቷን ፈጣን ዕድገት
በአስተማማኝ መሰረት ላይ ለማስቀጠል የተቀናጀ የህዝቦች ሁለንተናዊ ተሳትፎ ወሳኝ መሆኑን የገለጡት ርዕሰ መስተዳድሩ
ኮሚኒኬተሮቹ በልማቱ የሚፈጠረውን የህዝብ ማዕበል በመምራትና ብሔራዊ መግባባት በማምጣት ላይ የማይተካ ሚና በመጫወት
የድርሻቸውን መወጣት ይገባቸዋል ብለዋል።

የክልሉ የኮሙዩኒኬሽን ጉዳዮች ቢሮ በመንግስት ፖሊሲና ስትራተጂ ላይ በየደረጃው የሚገኙት የህዝብ ግንኙነት ባለሙያዎች
በተለይም በአመለካከትና በልማቱ የትኩረት አቅጣጫ ላይ ጥልቅ ዕውቀትና የዳበረ ግንዛቤ እንዲኖራቸው ማድረግ
እንደሚገባው ርዕሰ መስተዳድሩ አስገንዝበዋል።

ከወቅቱ ልማታዊ እንቅስቃሴ ጋር መጓዝ የሚችል የሚዲያና የህዝብ ግንኙነት ሃይል ለመፍጠር ቢሮው ቅንጅታዊ አሰራር
እስከታችኛው መዋቅር ድረስ በመዘርጋት መስራት እንደሚገባውም አሳስበዋል ። በውይይቱ የተሳተፉ የዞን፣ የከተሞችና
የክልሉ ቢሮዎች የህዝብ ግንኙነት ባለሙያዎች በበኩላቸው እንደገለጹት ዘርፉ በአገር ልማት የዲሞክራሲ ስርዓት ግንባታና
መልካም አስተዳደር በማስፈን ላይ በትኩረት እንደሚሰራ ገልጠዋል።
በኦሮሚያ ተከታታይና ቀጣይነት ያለውን ፈጣን ዕድገት ለማረጋገጥ በየደረጃው የሚገኙ
ኮሙኒኬተሮች ጠንክረዉ ሊሰሩ ይገባል
07 August 2013
አዳማ ነሐሴ 1/2005 በኦሮሚያ ተከታታይና ቀጣይነት ያለውን ፈጣን ዕድገት ለማረጋገጥ
በተያዘዉ ጥረት በየደረጃው የሚገኙ ኮሙኒኬተሮች የበኩላቸዉን ጥረት እንዲያደርጉ
የኦሮሚያ ብሔራዊ ክልላዊ መንግስት ርዕሰ መስተዳድር አስገነዘቡ ።

በዞኖች፣ በከተሞችና በክልል ደረጃ ያሉ የህዝብ ግንኙነት ባለሙያዎች የተሳተፉበት
የዉይይት መድረክ ትናንት በአዳማ አባገዳ አዳራሽ ተካሂዷል ። ርዕሰ መስተዳድር አቶ
አለማየሁ ኦቶምሳ በዉይይቱ ላይ እንተናገሩት በክልሉ በየደረጃዉ የሚገኙ ኮሙኒኬተሮች
የመንግስት ፖሊሲና ስትራተጂ ዎችን በአግባቡ ተግባራዊ በማድረግ በህብረተሰቡ ዘንድ
ግንዛቤን የማዳበር ሃላፊነት አለባቸዉ ።

በህዝቦች ማዕበል የታጀበ ፈጣን ልማትን ወደፊት ለማራመድ ከክልል እስከ ወረዳ ድረስ ያሉ
ኮሙኒኬተሮች የሚዲያና የህዝብ ግንኙነት ባለሙያዎች የሚጫወቱት ሚና የማይተካ ነው ብለዋል ።