1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
አዲስ አበባ  ነሀሴ 14/2009  የቀድሞ ጠቅላይ ሚኒስትር ታላቁ መሪ መለስ ዜናዊን አስተሳሰብና ተግባራት ወጣቱ
ትውልድ  የህዳሴውን ጉዞ  ለማስቀጠልና ለማፋጠን ሊጠቀምበት እንደሚገባ የኢትዮጵያ ፌዴራላዊ ዴሞክራሲያዊ
ሪፐብሊክ ፕሬዚዳንት ዶክተር ሙላቱ ተሾመ አሳሰቡ።

ፕሬዚዳንት ሙላቱ፤ ታላቁ መሪ መለስ ከትግል ጀምሮ በሕይወት ዘመናቸው ሲያደርጓቸው የነበሩ ተግባራት ፎቶግራፎች፣
ይለብሷቸው የነበሩ አልባሳት፣ የጽሁፎቻቸው ማሳያዎችንና የትግሉን ሂደት ከፊል ገፅታዎችን የያዘ አውደ ርዕይ መርቀው
ከፍተዋል።

ፕሬዚዳንት ዶክተር ሙላቱ በዚሁ ወቅት እንደገለጹት፤ ታላቁ መሪ መለስ ለአገሪቷ ዲሞክራሲን፣ልማትንና ብልፅግናን
ለማምጣት ያስቻሉ አስተሳሰቦችን ያፈለቁ ናቸው።ስለሆነም ወጣቱ ትውልድ ይህንን አስተሳሰብ በመላበስ የመለስን
ስኬቶች ማስቀጠል ይጠበቅበታል።

ታላቁ መሪ ሙስናን ለመከላከል አስቀድሞ ዲሞክራሲን ማረጋገጥ ተገቢ መሆኑን ያምኑ እንደነበር ያስታወሱት ዶክተር
ሙላቱ፤ ለሕግ የበላይነት መከበር መታገላቸውንም ተናግረዋል።  

በአሁኑ ወቅት እየታዩ ያሉ የልማት ውጤቶችና ቀጣይ የህዳሴ ጉዞው ስኬቶች የታላቁ መሪ የአስተሳሰብ ፍሬዎች
መሆናቸውን ጠቁመዋል።

የታላላቅ ፕሮጀክቶች ስራ ከዲሞክራሲ፣ ሰላም ማስከበር እና ልማት ጋር በጋራ ማስኬድ ተችሏል ሲሉ አስታውቀዋል።

ታላቁን መሪ ለመዘከር ዛሬ የተጀመረው አውደ ርዕይን ዛሬን ጨምሮ ለተከታታይ ስድስት ቀናት ለእይታ ክፍት ይሆናል።   

የታላቁ መሪ መለስ ዜናዊ የአምሰተኛ ዓመት መታሰቢያ "'የሃሳብ ድህነትን ታግሎ ያሸነፈ መሪ' በሚል መሪ ሀሳብ
እየተከበረ ይገኛል።
admin@hebrezema.info
1