ቻይና በሰሜን ኢትዮጵያ ለተፈናቀሉ ዜጎች የሚሆን ከ2 ሺህ ቶን በላይ የሰብአዊ እርዳታ ለገሰች





February 09, 2022





ቻይና በሰሜን ኢትዮጵያ ለተፈናቀሉ ዜጎች የሚሆን ከ2 ሺህ ቶን በላይ የሰብዓዊ ርዳታ ድጋፍ ማድረጓን የቻይና ኤምባሲ አስታወቀ፡፡ ኤምባሲው ለፋና ብሮድካስቲንግ ኮርፖሬት በላከው ጋዜጣዊ መግለጫ፥ የቻይና መንግስት ለኢትዮጵያ ያደረገዉ አስቸኳይ የሰብዓዊ ርዳታ በሰሜን ኢትዮጵያ ለተፈናቀሉ ወገኖች እየተከፋፈለ መሆኑን አስታውቋል፡፡


በሰሜን ኢትዮጵያ በርካታ ተፈናቃዮች መኖራቸውን የገለፀው ኤምባሲው፥ ዜጎች ለከፋ ችግር እንዳይጋለጡ የቻይና መንግስት 2ሺህ 160 ቶን አስቸኳይ የሰብአዊ ድጋፍ ማድረጉን ገልጿል፡፡


የተደረገው ድጋፍ ሁለቱ ሀገራት ያላቸዉን ጥልቅ ወዳጅነት የሚያመለክት መሆኑን ኤምባሲው በጋዜጣዊ መግለጫው ጠቁሟል።