1
States
Investment
Tourism
Sport
Entertainm.
Radio & Tv  
About us
Contact  
Links
Archives  
ግብፅ በህዳሴው ግድብ ላይ ወደሚካሄደው የሶስትዮሽ ድርድር ለመመለስ
ፍላጎት አለኝ አለች
May 22, 2020
ግብፅ በህዳሴው ግድብ ላይ ወደሚካሄደው የሶስትዮሽ ድርድር ለመመለስ ፍላጎት አለኝ አለች

አዲስ አበባ፣ ግንቦት 14፣ 2012 (ኤፍ ቢ ሲ) ግብፅ በህዳሴው ግድብ ላይ ወደሚካሄደው የሶስትዮሽ ድርድር ለመመለስ ፍላጎት
እንዳላት ገለፀች።

የሀገሪቱ የውጭ ጉዳይ ሚኒስቴር ትናንት ባወጣው መግለጫ በግድቡ የውሃ አሞላል ዙሪያ ከኢትዮጵያ እና ሱዳን ጋር ለመደራደር
ፍላጎት አላት ብሏል።

ሀገሪቱ ይህን ያለቸው ትናንት በኢፌዴሪ ጠቅላይ ሚኒስትር ዶክተር ዐቢይ አህመድ እና በሱዳን ጠቅላይ ሚኒስትር አብደላ
ሀምዶክ መካከል በግድቡ ዙሪያ የቪዲዮ ኮንፍረንስ ማድረጋቸውን ተከትሎ ነው።

የጠቅላይ ሚኒስትሮቹ ውይይት ግድቡን አስመልክቶ በሁለቱ ሀገራት መካከል ያልተቋጩ ጉዳዮችን ለማጠናቀቅ እና የተዛባ
ግንዛቤ የነበረባቸውን ጉዳዮች ለማጥራት የታለመ መሆኑን የጠቅላይ ሚኒስትር ጽህፈት ቤት ባወጣው መረጃ አስታውቋል።

በውይይቱም የአካባቢ ጥበቃ፣ የግድቡ የደኅንነት ሁኔታ እና የመረጃ ልውውጥን ስለ ማመቻቸት፣ በሱዳን በኩል ለተነሡት
ጉዳዮች ምላሽ ተሰጥቶባቸዋል።

ጠቅላይ ሚኒስትር ዶክተር ዐቢይ በውይይቱ ላይም ታላቁ የኢትዮጵያ ህዳሴ ግድብ ወቅታዊ የሥራ ክንውኑ ያለበትን ደረጃ
ገልጸዋል።

አክለውም፣ የሕዳሴው ግድብ ለሦስቱ የተፋሰሱ ሀገራት ኢኮኖሚ መጠናከር ምቹ ሁኔታ እንደሚፈጥር ተናግረዋል።

የቴክኒክ ውይይቱን በሁለቱ ሀገራት የውኃ ሚኒስትሮች አማካኝነት ለመቀጠል ስምምነት ላይ ደርሰዋል።

ግብፅ ሰሞኑን የታላቁ የኢትዮጵያ ህዳሴ ግድብ ጉዳይን ወደ ተባበሩት መንግስታት ድርጅት የፀጥታ ምክር ቤት ወስዳ
እንደነበር አይዘነጋም።

ሆኖም ኢትዮጵያ የህዳሴ ግደብን ውሃ ለመሙላት የየትኛውንም ሀገር ፈቃድ እንደማያስፈልጋት እና ሙሌቱን እንደማታዘገይ
ግልፅ አድርጋለች።

በዚህ ክረምትም ግድቡ ውሃ ለመያዝ በሚያስችለው ከፍታ ላይ መድረሱን እና ለዚህም አስፈላጊውን ዝግጅት እያደረገ መሆኑን
የኢፌዴሪ የውሃ፣ መስኖ እና ኢነርጂ ሚኒስቴር መግለፁ አይዘነጋም።
    Home             News          States         Investment   Tourism         Sport          Entertainm.      Radio & Tv     About us        Contact      Links                  Archives
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
1
"Egypt is always ready to enter into negotiations and participate in upcoming meetings to reach a fair, balanced and
comprehensive agreement," the Egyptian Foreign Ministry said.

The ministry said the agreement would have to take into account "Egypt's water interests, as well as those of
Ethiopia and
Sudan".
admin@hebrezema.info