ኢትዮጵያና አልጄሪያ በተለያዩ መስኮች በጋራ የመስራት ፍላጎት እንዳላቸው ገለጹ





July 28,2021





ኢትዮጵያና አልጄሪያ በተለያዩ መስኮች በጋራ የመስራት ፍላጎት እንዳላቸው ገለጹ አዲስ አበባ ፣


ኢትዮጵያ እና አልጄሪያ በተለያዩ መስኮች በጋራ ለመስራት ፍላጎት እንዳላቸው ገለጹ፡፡


ምክትል ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን ከአልጀሪያው ውጭ ጉዳይ ሚኒስትር ራምታኔ ላማምራ ጋር ተወያይተዋል፡፡ በዚህ ወቅትም ሚኒስትሮቹ ሁለቱ ሃገራት በተለያዩ መስኮች በጋራ ለመስራት ያላቸውን ፍላጎት ገልጸዋል። ሃገራቱ በአፍሪካ ህብረት ውስጥ ያላቸውን ሚና በሚያጠናክሩበት ሁኔታ ላይ መምከራቸውን ኢፕድ ዘግቧል፡፡


ከዚህ ባለፈም በህዳሴ ግድና በትግራይ ክልል ባለው ሁኔታ ዙሪያም ምክክር አድርገዋል፡፡


በተያያዘም ሚኒስትሩ ከፕሬዚዳንት ሣህለወርቅ ዘውዴ ጋር በተለያዩ ጉዳዮች ዙሪያ ተወያይተዋል፡፡ በዚህ ወቅትም የአልጄሪያውን ፕሬዚዳንት አብዱል መጂድ ቲቦንን መልዕክት ለፕሬዚዳንት ሣህለወርቅ ዘውዴ አስረክበዋል።


ውይይታቸው በዋናነት በሃገራቱ ስትራቴጂካዊ ግንኙነት፣ የአፍሪካ ሰላምና ደህንነት እና ሌሎች ጉዳዮች ላይ ያተኮረ ነበር፡፡ የአልጀሪያው የውጭ ጉዳይ ሚኒስትር ራምታኔ ላማምራ ለይፋዊ የስራ ጉብኝት አዲስ አበባ መግባታቸው ይታወሳል፡፡