1
States
Investment
Tourism
Sport
Entertainm.
Radio & Tv  
About us
Contact  
Links
Archives  
ወጣቱ እምቅ ኃይሉን በመጠቀም ኢትዮጵያን ወደ ከፍታ ማምጣት ይችላል
Aug 22/2020
    Home             News          States         Investment   Tourism         Sport          Entertainm.      Radio & Tv     About us        Contact      Links                  Archives
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
1
ወጣቱ እምቅ ኃይሉን ተጠቅሞ ኢትዮጵያን ወደ ከፍታ ማምጣት እንደሚችል ፕሬዚዳንት ሳህለወርቅ ዘውዴ አመለከቱ።

በሕዳሴው ግድብ ግንባታና በአባይ ወንዝ አጠቃቀም ላይ በመገናኛ ብዙኃን ክርክሮችን በማድረግና የኢትዮጵያን አቋም
ለዓለም አቀፉ ማሕበረሰብ በማሳወቅ ለተሳተፉ ወገኖችም እውቅና ተሰጥቷል።

ዓለም አቀፉ የወጣቶች ቀን “የወጣቶች ተሳትፎ  ለኢትዮጵያ ብልጽግና” በሚል መሪ ቃል ዛሬ አዲስ አበባ ውስጥ
ተከብሯል።

ፕሬዚዳንት ሳህለወርቅ በዚሁ ወቅት በቪዲዮ ባስተላለፉት መልዕክት ዓለምአቀፉ የወጣቶች ቀንን ከማክበር ባለፈ
የወጣቱን የፈጠራ አቅም በማጎልበት አገሩን ከድሕነትና ከኋላ ቀርነት ማውጣት ይቻላል ብለዋል።

ከጥንት ጀምሮ በኢትዮጵያ ከተመዘገቡት እያንዳንዱ ስኬቶች  ጀርባ ወጣቱ ትውልድ ጉልህ አስተዋጽኦ ማበርከቱን
ገልጸው፤ በታላቁ የኢትዮጵያ ሕዳሴ ግድብ ያደረጉት ተሳትፎም ለዚሁ አንዱና ”ትልቁ” ማሳያ እንደሆነ አመልክተዋል።

በአሁኑ ወቅትም  በግድቡ ግንባታ በርካታ ወጣቶች አሻራቸውን ከማስቀመጥ ባለፈ፤ በዓለም አቀፍ ደረጃ በአሉታዊ ጎኑ
ተከፍቶ የነበረውን  የመገናኛ ብዙኃን(ሚዲያ) ዘመቻ በመመከት የሚያስመሰግኑ ተግባራትን ሲያከናውኑ መቆየታቸውን
ፕሬዚዳንት ሳህለ ወርቅ አስታውቀዋል።

ወጣቶቹ ከመደበኛ ተደራዳሪዎች ጋር በመሆን በተለያዩ ቋንቋዎች መረጃዎችን በመስጠት ያከናወኑት ተግባራት አገር
ወዳድነታቸውና ቆራጥነታቸውን በማሳየታቸው ወገንን አኩርቷል ብለዋል።

የሕፃናትና ወጣቶች ሚኒስትር ዴኤታዋ ወይዘሮ ህይወት ኃይሉ በበኩላቸው፣ የታላቁ የኢትየጵያ ሕዳሴ ግድብ ግንባታ
የቴክኖሎጂና የእውቀት ሽግግርን ከማፋጠን ባሻገር ፤ ወጣቱ ትውልድ ላይ ያሳደረው ተስፋ በቀላሉ የሚታይ እንዳልሆነ
ጠቅሰዋል።

በመሆኑም የነገው አገር ተረካቢው ወጣት ዘር፣ ኃይማኖት፣ ፖለቲካና የእድሜ ልዩነት ሳይገድበው የግድቡን ግንባታ
በማጠናቀቅ ረገድ በጋራ መሥራት እንደሚጠበቅበትም አብራርተዋል።

በአሁኑ ወቅት የአገሪቱን እድገትና ብልጽግና ለማደናቀፍ እንዲሁም ሰላምን ለማደፍረስ እየተሯሯጡ የሚገኙ ፀረ-ልማትና
ፀረ-ሰላም ኃይሎች የግድቡን ግንባታ አስመልክቶ አፍራሽ ተልዕኮ አንግበው እንደሚንቀሳቀሱ ገልጸዋል።

ስለሆነም “ወጣቶች ይህንን በመገንዘብ ለተጀመረው ልማት እንቅፋት፣ ለሀገሪቱ ሰላም  እጦት መንስኤ ከሆኑ ተግባራትና
ድርጊቶች ራሳችሁን በማራቅና የሚገጥሙ ፈተናዎችን በጽናት ተቋቁሞ ማለፍ ይጠበቅባችኋል” ብለዋል።

ከጠቅላይ ሚኒስትር ጽሕፈት ቤት የመጡት ረዳት ፕሮፌሰር ነብዩ ባዬ በበኩላቸው የግድቡ ግንባታ ከተጀመረ ወዲህ  
በሙዚቃ፣ በተውኔት፣ በምስልና በሌሎች የኪነ-ጥበብ ዘርፎች የሚቀርቡት ሥራዎች በቂ እንዳልሆኑ ተናግረዋል።

የውጭ ጉዳይ ሚኒስቴርን ወክለው በግድቡ ድርድር የሚሳተፉት አቶ ዘሪሁን አበበ ግድቡን አስመልክቶ  ግብጻውያን
ሲጠቀሙበት የነበረውን የሐሰት ትርክት ለማፍረስ ቀላል የማይባል የዲፕሎማሲ ሥራዎች ተሰርተዋል ብለዋል።

ድርድሩ በወጣቶች፣ በጎልማሳውና አዋቂ በሚባሉት የሕብረተሰብ ክፍሎች መከናወኑን ገልጸዋል።

ኢትዮጵያ በአባይ  ወንዝ ውሃ ፍትሐዊ ተጠቃሚነት ላይ ስታደርግ የቆየችው ድርድር ይጠናከራል ብለዋል።

ሚኒስቴሩ በዚሁ ወቅት በግድቡ ግንባታና በአባይ ወንዝ አጠቃቀም ላይ በመገናኛ ብዙኃን ክርክሮችን በማድረግና
የኢትዮጵያን አቋም ለዓለም አቀፉ ማሕበረሰብ በማሳወቅ አኩሪ ሥራ ላከናወኑ ወጣቶችም እውቅና ሰጥቷል።

በዚህ መሰረትም ጋዜጠኛና የፖለቲካ ተንታኝ መሐመድ አልአሩሲ፣ የውሃ ተመራማሪዋ መቅደላዊት መሳይ እንዲሁም
የሕግ ባለሙያዋ ሐለፈት አልመሀመድ የእውቅና ሰርተፊኬት ተቀብለዋል።
admin@hebrezema.info